翻叮《家有囍事》,香港了无新意

作者: 分类: M彩生活 发布于:2020-07-31 536次浏览 68条评论

翻叮《家有囍事》,香港了无新意

适逢俞琤退下火线,个个讲当年商台,而傲将军最忘不了的,是广播剧《黄金少年》系列,故事背景,是一个有异能人、股票炒卖当道的未来世界。而那个未来世界的潮流是甚幺?就是过往七八十年代的旧经典。未来世界没有新原创,只古老当时兴,煲旧CD炒冷饭,音乐圈食老本。

广播剧首播后快将十年的今天,香港的所谓主流文化何尝不是炒冷饭食老本?亚视会永远都全在但冇人睇,所有影视娱乐由CCTVB一台独大话晒事:
音乐节目用极都是汪阿姐为你倒咖啡,三十年来,始终走音,多难得,才有一个坤哥涯出头;
选美标準还是甚幺美貌与智慧并重,唔讨好的十A?大台理得你;
剧集口味适合廿年前的少女,嗯,桥唔怕旧,争产三角恋BBQ煮个麵你食可以拍到2046,想睇好野?有!当年套《大时代》啦;
到班「网络红人」上去挑机喇,叻哥王晶肥妈扑出嚟杀子,咩后生仔搞搞震呀叔当年努力就买到楼的老屎忽嘴脸倾巢而出。
最后都係一句:细路你番去收皮啦,我地一成不变啲观众都受㗎。

再望望戏院,合拍片啱唔啱口味?
唔啱?有叶念琛MK大导演,将偷食、悔过、复合再高明点偷食、女主角叫呀宝的爱情片啪啪啪拍足十年;
再唔係见《狂舞派》成功,齐齐讲本土讲梦想,等阵,年轻人想讲梦想?行开啲啦,____!有资格问《哪一天我们也会飞》的,是林海峰杨千嬅,慢慢重温旧梦,新一代?你望吓游学修、苏丽珊、吴肇轩在Poster中有几大先讲啦。

到贺岁片、笑片,九十年代卡士有:
吴君如、王晶、呀叻、梁家辉、黄百鸣、谷德昭、曾志伟、周星驰;
千禧年代卡士有:
吴君如、王晶、呀叻、梁家辉、黄百鸣、谷德昭、曾志伟、周星驰;
二O一几年卡士有:
吴君如、王晶、呀叻、梁家辉、黄百鸣、谷德昭、曾志伟。
哗,观众唔闷佢地都拍到闷啦吓嘛?咦,周星驰由讽刺中共到近年投共政协喇,大家上YouTube睇旧片喇,咪住!望吓2016,乜又係你呀周生?《家有囍事》 修复加长版竟然放上影院?将军知黄百鸣拥有院线,但竟然悭皮、技穷到将23年前嘅戏重新剪过再掟出嚟?
係,係好好笑,好笑得过大家都打算买飞入场... 

王晶炒《赌神》冷饭,黄百鸣仲劲,加水放《家有囍事》入微波炉再叮过。

做创意的懒得创新,
不学无术的闹人会考冇12条A,
大学校监叫商界唔好捐钱比大学,
审网络条例的四方硬骨头唔知咩係直播打机...
莫讲敬业乐业,香港人开口埋口「专业」一去不复反,求求其其得过且过,不再讲道理,不再讲逻辑,不再讲事实,齐齐食老本,赢嘅係我努力,输嘅係后生搞乱档,有话语权有决策权嘅「总之病」病发,只懂说:「总之我地嗰代好辛苦,你地后生仔识咩吖,总之我地话咩就咩,比咩你都要逆来顺受啦」
佔据整个主流媒体、权贵、街头巷尾,翻叮旧一代人嘅欢乐,下N代人硬食啦。

傲将军面书:


(家有囍事截图)


<<上一篇: